شرح عمل توقيع فلاشى ببرنامج السويتش ماكس :: توقيع بالاغنية ::شرح بالصور

صباح / مساء الخير

ده شرح ازاى تعمل توقيع فلاشى وعلية سونج والشرح طبعا بالصور ومفصل
محتويات الموضوع ( حلو موضوع الانشاء ده [ندعوك للتسجيل في المنتدى أو التعريف بنفسك لمعاينة هذه الصورة] ) ههههههههههههه
المهم التوقيع الفلاشى بنعمله فى 3 خطوات

============================== ==================== =

نبتدى

بعد ما تحملوا البرنامج ( السويتش ماكس ) وكله تمام هنفتح البرنامج
شوفوا الصورة دى

[ندعوك للتسجيل في المنتدى أو التعريف بنفسك لمعاينة هذه الصورة]

زى ما انتو شايفين كده على اليمين بنحدد مقاس التوقيع ( وانا حددت 500*200 )
وبصوا فوق كده فى الصورة
العلامة الخضرا ( المربع الاخضر ده ) بندوس عليه عشان نضيف الصورة اللى هنعملها للتوقيع
والعلامة اللى جنبها اللى هى رقم 2 دى عشان لو هنكتب على التوقيع اى كلالام ببرنامج السويتش
بس طبعا دى انا مش بستخدمها لانى بظبط الديزاين على الفوتوشوب وبدخلها برنامج السويتش
تاخد وش معجووون ( قصدى تاخد الفلاش والحركات )

------------------------------------------------------------------------------

طيب دلوقتى دوسنا على المربع الاخضر ودخلنا على الجهاز بتاعنا واخترنا الصورة
فى ملحوظه صغيرة
ممكن انت تضيف صورة كبيرة شوية يعنى يكون مقاسها اكبر من التوقيع
لازم تحدد الصورة على نفس المقاس بتاع التوقيع اللى هو 500 * 200 لان فى النهاية
التوقيع هيطلع معاك بالمقاس اللى انت حددته فى برنامج السويتش ماكس
طيب دلوقتى بقا ننزل البرنامج فى شريط المهام يعنى نعمله Minimize

-------------------------------------------------------------------------------

الخطوة دى (( اضافة المؤثرات على التوقيع ))
حملوا من القسم هنا مؤثرات فلاش
المهم انتو عندكوا دلوقتى على جهازكم حركات فلاش شوفوا الصورة دى

[ندعوك للتسجيل في المنتدى أو التعريف بنفسك لمعاينة هذه الصورة]

احنا دلوقتى ناسيين البرنامج شوية لحد منزلينه تحت فى شريط المهام
ودخلت جهازى ولقيت شوية مؤثرات ودوست مثلالا على حركة النجووم دى

هنلاقى ان الحركة دى هتفتح فى صفحه تانيه فى برنامج السويتش
طيب احنا عايزين نشوف شكل الحركة دى على التوقيع هتبقا عاملة ازاى ( معاينة يعنى )

شوفوا الصورة دى

[ندعوك للتسجيل في المنتدى أو التعريف بنفسك لمعاينة هذه الصورة]

شايفين فوق فى علامة سهم كده
اللى انا معلم عليه بالمربع الاسود ندووس عليها ونشوف الحركة دى هتكون
عامله ازاى ( طيب عجبتنا ) ندوس ستوب على المربع اللى جنبها على الشمال
ننزل تحت بعننينا شوية هنلاقى
الحركة موجوده بصوا على السهم الاحمر هتيجوا عند الحتة الخضرا الصغيره دى
وندوس كليك يمين ونختار كوبى اوبجكت زى ما فى الصورة

----------------------------------------------------------------------------------------

دلوقتى بقا نفتح صفحة البرنامج وشوفوا الصورة دى

[ندعوك للتسجيل في المنتدى أو التعريف بنفسك لمعاينة هذه الصورة]

بعد كده شوفوا الصورة دى

[ندعوك للتسجيل في المنتدى أو التعريف بنفسك لمعاينة هذه الصورة]

بعد ما دوسنا سكربت (( بندوس على السهم الصغير اللى على كلمة ادد سكربت ))
ونتابع الخطوات زى ما فى الصورة

----------------------------------------------------------------------------------

هندوس تانى على نفس السهم الصغير ونتابع زى الصورة دى

[ندعوك للتسجيل في المنتدى أو التعريف بنفسك لمعاينة هذه الصورة]

طيب دلوقتى دوسنا بلاى ساوند هنلاقى فى كلمة امبورت ظهرت تحت (( شوفوا الصورة دى عشان متوهوش معايا

[ندعوك للتسجيل في المنتدى أو التعريف بنفسك لمعاينة هذه الصورة]

اهية كلمة امبورت اللى مشاور
عليها بالسهم الاحمر دى لما بندوس عليها بتدخلنا على جهازنا عشان نختر
المقطع اللى هنحطة على التوقيع وانا مثلا اخترت سونج ( غنى من قلبك )
بحدد السونج وبدوس اوبن

تابعوا الصورة الجاية دى

[ندعوك للتسجيل في المنتدى أو التعريف بنفسك لمعاينة هذه الصورة]

النقطة دى مهمه اوووى بعد ما نحدد الاغنية هنلاقيها نزلت جنب كلمة امبورت صح ؟
ندوس عليها ضغطة واحده بس بالكليك الشمال للماوس عشان تتظلل كده

------------------------------------------------------------

تابعوا الصورة الجاية دى

[ندعوك للتسجيل في المنتدى أو التعريف بنفسك لمعاينة هذه الصورة]

طبقوا الخطوة زى الصورة اللى فاتت

وشوفوا الصورة دى

[ندعوك للتسجيل في المنتدى أو التعريف بنفسك لمعاينة هذه الصورة]

نطبق الخطوة بتاعت ستوب ساوند زى الصورة اللى فاتت

طيب بعد ما طبقنا لخطوة بتاعت ستوب ساوند هندوس برده على اسم الاغنية
كليك شمال مرة واحده

زى الصورة دى

[ندعوك للتسجيل في المنتدى أو التعريف بنفسك لمعاينة هذه الصورة]

كده دلوقتى دمجنا الصوت وكله تمام

لو عايزين بقا نشوف الصوت ونعاين الفلاشة قبل ما نحفظها
مش احنا فى اول الخطوة بتاعت الصوت ضغطتنا على كلمة سكربت صح ؟
دلوقتى هندوس على كلمة لايوت سكين - 1
هنلاقى ان احنا دخلنا على الفلاشة
ندوس بلالالالالالالالالالاى ونشوف (( كله تمام )) ندوس ستوب
ونحفظ بقا

شوفوا الصورة دى

[ندعوك للتسجيل في المنتدى أو التعريف بنفسك لمعاينة هذه الصورة]

فايل + اكسبورت + swf
ونحفظة على جهازنا وشكرا على كده

-----------------------------------------------------------------------------------------

عشان تفهموا الشرح اقرأأو مرة واتنين (( زى المدارس )) [ندعوك للتسجيل في المنتدى أو التعريف بنفسك لمعاينة هذه الصورة]
وركزوا مع الشرح وباذن الله هتفهموا
وانا والله على قد ما قدرت شرحت بالبلدى ومفصل
ممكن يكون الكلام كتير والشرح طوويل
بس لما تطبقوا هتلاقوا انها سهله جدا جدا اجد اجد وطرق بسيطة اوى
ومش هتاخد فى ايدكم اكتر من 3 دقايق
سورى يا جماعة فى صور هتلاقوها كبيرة
بس انا مرضتش اقصها عشان يكون الشرح واضح تمام

-------------------------------------------------------------------------------------------

فى القسم هنا - قسم الفلاش هتلاقوا البرنامج + الكراك
وهتلاقوا كذا موضوع موجود فيه حركات فلالاش

ولو لقيتوا مثلا الموضوع بتاع البرنامج بايظ
او اى موضوع مش تمام
ياريت تبلغونى فى قسم الشكاوى
او برساله خاصة

عشان اظبطة
عايز اشوف تطبيقات فى تواقيعكم واللى يتعلم من الشرح يعملى توقيع [ندعوك للتسجيل في المنتدى أو التعريف بنفسك لمعاينة هذه الصورة]

واى استفسار اطرحوه فى الموضوع
من الاخر كده مش هسيبكم غير وانتو بتعرفوا تعملوا الفلاشات 1 - اضافة الصورة 2 - اضافة المؤثرات ( اللى هى الحركات الفلاشية ) 3 - اضافة مقطع الصوت على التوقيع 4 - حفظ التوقيع بصيغة swf

شرح عمل توقيع فلاشى ببرنامج السويتش ماكس :: توقيع بالاغنية ::شرح بالصور

شرح عمل توقيع فلاشى ببرنامج السويتش ماكس :: توقيع بالاغنية ::شرح بالصور

رد: شرح عمل توقيع فلاشى ببرنامج السويتش ماكس :: توقيع بالاغنية ::شرح بالصور

رد: شرح عمل توقيع فلاشى ببرنامج السويتش ماكس :: توقيع بالاغنية ::شرح بالصور

رد: شرح عمل توقيع فلاشى ببرنامج السويتش ماكس :: توقيع بالاغنية ::شرح بالصور

رد: شرح عمل توقيع فلاشى ببرنامج السويتش ماكس :: توقيع بالاغنية ::شرح بالصور

رد: شرح عمل توقيع فلاشى ببرنامج السويتش ماكس :: توقيع بالاغنية ::شرح بالصور

رد: شرح عمل توقيع فلاشى ببرنامج السويتش ماكس :: توقيع بالاغنية ::شرح بالصور