البنت وزوجة الاب

*قصيده في بنت ـبنت ماتت امها وعاشت باقي حياتها مع زوجه الاب*

كلمات / سعد الطلحه,,

قصه حقيقيه,,,

حسبي عليها جننت قرة العين = صارت هبيلة ماتذوق المناما

قولوا لها يالمخطية فعلتك دين = ضيقتي بيتٍ ساكنينه يتامى

بنتي ظلمتيها وبالشين ترمين = كل يوم تسمع منك سب وشتامى

ودعتها في بيتها الواسع الزين = خليت نور البيت عقبي ظلاما

في الليل تسهر في غسيل المواعين = والبرد ينفضها يهز العظاما

وثلاجة المطبخ لاجاعة تصكين = بنتي حرمتيها لذيذ الطعاما

كلما لفوا خطابها قلتي بعدين = والبنت يكبر عمرها كل عاما

وأخوها فتنتي على شر تفتين = يومه لفا للبيت بعد الدواما

جيتي وتباكيتي وعنده تشكين = أدما جسدها من عقاله وقاما

ويلك من الله كيف تهني تنامين = ويلك من الجبار يوم القيامة

يايوه يايمه ليتك تشوفين = الشيب في شعري نصب لي خياما

يايوه لو شفتيني والله تبكين = جرحي نزيف وما لجرحي إلتائما

العيش بعدك قاسي يا ليته يلين = ما طاب لي بعدك يايمه مقاما

تمسكني بشعري وباليد تلوين = وتصمخ بي الجدران لا ياحراما

وامسح كنادرها بيمناي وتهين = تطردني بالشارع بدون إحتراما

وينك يايمه ترحمين وتحنين = الحزن مرسوم في وجهي إرتساما

اتمنى تعجبك

البنت وزوجة الاب

البنت وزوجة الاب

رد: البنت وزوجة الاب