كفتة رز و صنية بطاطس بالصور

اولاً كفته الارز

المقادير
نصف كيلو لحمه مفرومه بدون دهون(لحمه حمرررررررررررررررا)
3 بصلات متوسطين مفرومين او مبشورين
5 او 6 فصوص ثوم مهروس
حوالى 1 كوب او اكتر دقيق الارز (ارز مغسول و مصفى حتى ينشف ويطحن حتى يكون ناعم جداً جداً)
باقه بقدونس و شبت و نعناع اخضر مفرى (ممكن نعناع ناشف)
ملعقه صغيره كمون ناعم
ملح وفلفل و جنزبيل بودر
زيت للقلى
الطريقه
نضع جميع المقادير مع بعضها ونقلبهم
[ندعوك للتسجيل في المنتدى أو التعريف بنفسك لمعاينة هذه الصورة]
ثم نضعهم فى الكبه او الفود بروسيسور او المفرمه و نفرمهم مره اخرى ستصبح عندنا عجينه طريه نضعها فى التلاجه حوالى ساعه
[ندعوك للتسجيل في المنتدى أو التعريف بنفسك لمعاينة هذه الصورة]
نحضر صنيه كبيرة و ندهنها بالزيت الخفيف و نبدأ فى تشكيل الكفته كور صغيره
جدا فى حجم البندقه و اذا وجدناها تلزق فى اليد ممكن ندهن يدنا بالزيت و
نشكلها سنجد عندنا الكميه اصبحت كبــيـــــــــــره
[ندعوك للتسجيل في المنتدى أو التعريف بنفسك لمعاينة هذه الصورة]
نقلى الكفته فى زيت عميق حتى يكون لونها ذهبى غامق و ننشلها فى مصفاه حتى تتخلص من الزيت
[ندعوك للتسجيل في المنتدى أو التعريف بنفسك لمعاينة هذه الصورة]
(ممكن بعد ما تبرد نضعها فى الفريزر فى اكياس او اطباق فوم مقسمه حسب الرغبه)

مقادير الصلصه
كميه من التوم المفروم
عصيرطماطم و معاه ملعقه صلصه
الطريقه
نضع الزيت و معه التوم على النار حتى يشقر التوم و يصبح ذهبى نضيف الطماطم و الصلصه و الفلفل و الملح الخفيف و تترك حتى تتسبك
[ندعوك للتسجيل في المنتدى أو التعريف بنفسك لمعاينة هذه الصورة]
ثم نضيف لها حوالى كوب من الماء وعندما تغلى نضع الكفته و نتركها تغلى غلوتين وبس مش كثير
[ندعوك للتسجيل في المنتدى أو التعريف بنفسك لمعاينة هذه الصورة]
وتغرف فى طبق عميق او اطباق صغيره و احنا نقدمها مع الكسكسى دائما
[ندعوك للتسجيل في المنتدى أو التعريف بنفسك لمعاينة هذه الصورة]
ولكن ممكن تقدم مع الارز الابيض او الارز بالشعريه وايضا مع المكرونه

ثانياً صنيه البطاطس

بطاطس مقطعه حلقات
بصله كبيره مبشوره
4 فصوص توم مقطعه
2 ملعقه صلصه
مكعب ماجى
ملح و فلفل و جنزبيل بودر
حلقات طماطم
فلفل اخضر
2 ملعقه زيت
الطريقه
نقلب جميع المقادير مع بعض معدا حلقات الطماطم والفلفل الاخضر و نرصها فى
قالب بيركس حلقات البطاطس فوق بعضها البعض و نضع بينها حلقات الطماطم و
الفلفل بهذا الشكل
[ندعوك للتسجيل في المنتدى أو التعريف بنفسك لمعاينة هذه الصورة]
و نضع عليها الماء الكافى لتغطيتها و ندخلها الفرن حتى النضج و اذا احتاجت ماء نضيف لها وهذا شكلها بعد النضج
[ندعوك للتسجيل في المنتدى أو التعريف بنفسك لمعاينة هذه الصورة]
اتمنى اكون وفقت فى الشرح و مكنش طولت عليكم
اتمنى تجربوا طريقتى ان شاء الله تعجبكم
اترككم فى رعايه الله وامنه