lمريض بالمستشفى...كل من يطلع من عندوا يموت بالضحك

جلس ذلك الرجل على السرير الابيض ... في احدى المستشفيات في بلدنا الحبيبه ...
وكان كل جسمه شاش ورجلينه كلها جبس
وماتسمع الا تآآآآوهاااااااته
مغير يون من الاوجاع اللي فيه
عاد انا قلت يمكنانه مسوي حادث قوي
او انه محترق او او او ... الخ
المهم جت الساعه 4 العصر
وبدا وقت الزياره
انا استغربت من شي غريييييييب مره
كل من جاء يزور هالشخص يطلع من عنده ميت من الضحك
انا جاني الفضول وقلت وش السالفه
وعلى هالحال كل من جاء وسلم عليه ما تسمع الا ضحكهم من وراالستاير
انا قلت لازم اعرف وش السالفه
انتهى وقت الزياره
وانقزله على طول
واتشافا له واقوله الحمد لله على السلامه
عسى ماشر ومن هالكلام
وانا كل همي اعرف ليش يضحكون
المهم قلت له : انا اشوف اللي يجونك مايرحون من عندك الا و ضحكهم واصل اخر المستشفى ... قال لي : هههههههههه ليـش عاد أنت حاسدنا على الضحكه ... قلت له : لا يـا أخوي مهوب كذا السالفه والله لو عندك مليون كان يمكن أحسدك! ... بس اضحكوا عادي خذوا راحتكم بس بغيت اعرف السر يعني ... اذا ماعندك مانع ... قال لي : طيـب ولا يهمك ... انت مثل ما تشوفني مكسر ومربط بالشاش ..
قلت له : أيـوه والله ... الله يشفيك...
قال لي : يا طويل العمر انا ساكن في شقه في الدور الثاني ... وعندي بلكونه واذا نمت فتحت باب البلكونه .. وطفيـت النور ... وتسدحت على السرير ..
ويوم نمت على السرير .. وغصت في اعماق نومي ... حلمت اني في يوم القيامه ... وحلمت مثل ما تقول ان الناس في مكان مثل موقف الباصات وفيه باصات رايحه للجنه وباصات رايحه للنار !!! .... المهم الجماعه ينادون بالاسامي . فلان بن فلان باص النار ... فلان بن فلان باص الجنه .. وهكذا
فلان بن فلان ...هه هذا اسمي .. وقلبي يـدق و يـدق... رووح باص الجنه .... اووووووووووووه الحمد لله ارتحت
ومشيـت ادور على الباص الي مكتوب عليه الى الجنه ... وحصلته ودخلت فيه ... مشيـنا بالباص وبعد فترة جاتنا لوحه مكتوب عليها (الجنه 50 كيلوا) (النار 100 كيلوا)
وهذا وحنا مع اللوحات . والله ونتعدى الجنه ... قلت يمكن السواق يـعرف مكان لباب ثاني ...
شوي وشفت النار 15 كيلوا ... وبعد شوي النار 10 كيلوا ... وكل شوي نقرب من النار ... يا رجال وش السالفه .. المشكله الناس ساكتيـن وما حد قلق في الباص الا انا .....قلت بدخل ع السواق وشفته معطيني ظهره ... إيـه إإإيـه أنت وين رايح ؟؟؟!!!!!!!!! ... قال لي بدون ما يلتفت : رايح النار يا حبيبي ..... قلت له : ويـش انا من اهل الجنه .. وليـش توديني النار يا وجه النحس!!!....
والتفت لي ... طلع هو ابليس !!! .. الله يلعنك ... انا من اهل الجنه .. يا ملعون لا توديني النار .. انا من اهل الجنه .... والله العظيم اني من اهل الجنه .. تو من شوي قايلين اسمي ... وقف يا ملعون .. وقف يا ملعون ... وهذا انا
أصارخ... وهو بانواع الضحكات الشريره هاهاهاهاها ... هاهاهاهاهاهاهاها .. هاهاهاهاهاهاهاهاهاهاهاهاها . .. قلت له يا ملعون وقف !!! أبي انزل !!! ... قال : والله الباص هذا مبرمج على انه ما يوقف الا في النار ... تبي تنزل أقفز منه .... وركضت على الباب وفتحته ... وهووووووووووووووووووووووووووووووووب
مع البلكونه للشارع
هههههههه
منقوول للامانه..