طريقة عمل الكوارع والفته و الممبار اكله مصريه شعبي واو وبالصور

ده شكل الكوارع مقطعه ولسه مغسولة وبصراحه انا بجبها نظيفه جاهزة
بغسلها بدقيق وملح للاحتياط
بضع التوابل التاليه
2عود قرفه(دارسين)
ورق لورا
قرنفل(مسمار)
فلفل اسود
ملح
جنزبيل ناعم رشه خفيفه
بصله مقطعه اربعه

الطريقه

نضع الحله على نار بداخلها ماء لحد الغليان وبعدين نضيف الكوارع اوالمقادم مع كل التوابل السابقه

[ندعوك للتسجيل في المنتدى أو التعريف بنفسك لمعاينة هذه الصورة]

تترك على النااااااار حوالى من ساعتين الى ثلاثه ساعات حسب الحجم

تعالو نجهز الفته

انا بحمس العيش البلدى المقطع مع ملعقه سمنه بلدى و2 فص ثوم مهروس تتحمس اما على النار او فى الفرن

[ندعوك للتسجيل في المنتدى أو التعريف بنفسك لمعاينة هذه الصورة]

وبعدين نسخن الطاسه ونضع فيها ملعقه سمنه وبعدين الثوم مع رشه خفيفه كسبره ناعمه

حتى يحمر الثوم وبعدين نضيف 2 ملعقه خل وبعده كده نضيف الطماطم المعصوره حوالى حبتين
حتى تتسبك
ناخد 2 ملعقه من الصلصه نضفها على العيش المحمص ونقلبهاااااا وبعدين نضيف شوربه الكوااااارع

[ندعوك للتسجيل في المنتدى أو التعريف بنفسك لمعاينة هذه الصورة]

نغطيها ونتركها جانبا لمده بسيطه حتى يتشرب العيش من الشربه
ونغطى طبق الفته بالارز الابيض
وباقى الصلصه مع شويه شوربه(كبشه فقط)نغليها مع بعض ونضفها فوق الارز

الكوارع طبعا استوت كويس علشان تكون لذيذه نطلعها من الشوربه ونصفيها وبعدين نحمرها
فى 2 ملعقه سمنه بلدى

وده شكلها النهااائى يا رب تعجبكم

[ندعوك للتسجيل في المنتدى أو التعريف بنفسك لمعاينة هذه الصورة]

دلوقتى هنعمل الممبار او الفوراغ او الامعااااء
بعد الغسيل والكحت والنقع فى الملح والخل

الحشوه تختلف من شخص لاخر انا احب لما تكون الممبار ضانى ان يدخل فى الحشو لحمه مفرووووومه وقليل من الطماطم المقطعه مكعبات
انما فى الممبار البقرى
خليط من الطماطم المسبكه او صلصه
بصل مقطع
شبت+بقدونس+كسبره+فلفل اخضر
ارز مصرى غير منقوع
طماطم مقطعه مكعبات صغيره
زيت
شطه+ملح+فلفل+اى توافل تفضليها على خلطه المحشى

(((كيلو نصف ممبار معها حوالى 3 كيلو ارز))

[ندعوك للتسجيل في المنتدى أو التعريف بنفسك لمعاينة هذه الصورة]

نخلط كل المكونات مع بعضها ونبتدى فى حشو الممبار بعد تقطيعه الى الطول المناااسب
انا مش بربط الممبار لانه اول ما بينزل فى الماء بيقفل من الاطرااااف

[ندعوك للتسجيل في المنتدى أو التعريف بنفسك لمعاينة هذه الصورة]

طبعا ده جزء من الممبار

نضعه فى الماء المغلى مع اضافه الملح

[ندعوك للتسجيل في المنتدى أو التعريف بنفسك لمعاينة هذه الصورة]

نتركه حتى ينضج تقريبا ساعه الا ربع
نطلع الممبار من الحله ونحطه فى مصفى حتى ينشف تماماا من الماااااااااااء
مهمه الخطوه دى علشان التحمير

[ندعوك للتسجيل في المنتدى أو التعريف بنفسك لمعاينة هذه الصورة]

نحمر الممبار فى زيت ساخن من كل الجوااااااااانب حتى يكتسب اللون الذهبى
ونطلعه على ورق مطبخ حتى يمتص الزيت الزااائد
وده شكله النهائى

[ندعوك للتسجيل في المنتدى أو التعريف بنفسك لمعاينة هذه الصورة]

وده من الدااااخل احمر وفى نفس الوقت طرى من الطماطم المقطعه والبصل

[ندعوك للتسجيل في المنتدى أو التعريف بنفسك لمعاينة هذه الصورة]

بالهنا وشفا ( انا عاوزه ردود علي الكله ده

)