أبيات خفيفة تعجبكم

مسائكم / صباحكم
أفراح وتهاني

( المقدمة )

أحبتي وإخوتي النفوس لها حدود ولها مقاييس ولها مشاعر ولها بوحٍ ولها ترفيهً وترويحً أيضا..ً

إلا متى ونحن ننفس عن أنفسنا ببوح أبيات من الشعر ، تخنقنا العبرات وتغمرانا الزفرات

تملُ الفضاءُ إحزاننا ويضيقُ بها أحيانا الفضاء الفسيح ، همسٌ وبوحٌ ينتابنا عند ذكر الأحبة

وعند فراق الأخلاء وفي الرثاء بموت حبيبٍ أو قريب ،، آآآهٍ من نقض الجروح ونفضها .

عند ذكرنا للأشعار في اغلب الأحوال نذكر الحزين ونذكر المثير للجروح ،،

وغيره وغيره من ما نحسبه ينفسُ عنا وهو غي الأصل يزيدنا احزناً وآلاماً ..

الموضوع ياحبايبنا اليوووم جايب لكم أبيات ستعجبكم بالمره..

والأبيات هي :

الاولى / جاب العيد مع أهله .

ناديت باسـمك وإنا مع زوجتي راقد
لين رفستني على بطني برجليها

وسويت نفسي مثقـف واعي وناقد
واقول عـادي مصير الوقـت يرضيها

ويم كفختني طراق وصحت انا حاقد
الله يلعـن غلاك ويكســر يديها

واحترت انا وين ابلقى لي بدل فاقد
ولقيت وحــده تهــزز لي علابيها

الثانيه / انتقام بشع ..

شخـــصٍ هويته جعل ربي يسلّه
أصعب شلل ويكون مايوجـد دواه

والا برص يضفي على الجسم كله
يبدا بوجهه ثم يمشي على اعضاه

والا مرض طاعــــون حتى يفله
يسمع علاجــه بس من دون يلقاه

ويصاب بالسكر وجســمه يسله
حتى المشي بالرجــل ماعاد يقواه

اللي بلاني وانتقـــل من محلّه
وأنكر عهودٍ كانت العــام ممضاه

والله باين انه يحبها ..

الثالثه / ليلة الدخله ..

تقول شفني لبست الثوب
اللي علي ليـــلة الدخله

ابيك ترجــع معي وتذوب
يوم الاحاسيـس مشتعله

قلت الزمـن مايجي مقلوب
ودّعت الايــــام ياخبله

ليلة أنس عقبــها متعوب
ويامصخهـا تالي الرحـله

الرابعه / لشاعره تقصد في حبيبها.

لي قصةٍ مع صاحبي فلـم هندي
دايـم انا ويّاه فـ هواش ودموع

ودّه يســامرني على تيس مندي
وانا رقيقه ودي بازهار وشموع

خلّي غبي والعقــل عنده مصدّي
وبفن التخلف حايزٍ شكر ودروع

قلت له تطـور عيش باشا وافندي
الى متى وانت بتخلفك منزوع

قـام وتلفّت قــال قومي تغدي
دواديك واجد يوم انا ميتٍ جوع
ــــــــــــــــــــــــــــــــــــــــــــــــــ
تقبلوا تحياتي وودي .........